完結編
#鄺大俠
家訪小弟心目中的陳近南……鄺大俠！(第四節完結編)
之前聽左大俠播既Jazz，人聲，電子+琵琶，係時候聽古典，大俠放了"老柴"Violin Concerto，全隊交響樂團接比例宿放在大俠的約12尺闊空間和超過16尺的立場，你地一定以為我咁大膽，敢話大俠玩到宿放！😵
但我真係好大膽咁講，有幾多人可以係咁既空間內放齊成隊人係度，齊齊整整，一D都唔變形！龍友係細空間用廣角鏡，邊邊果D位點都有小小變形，要超級攝影高手加埋Top-end器材先做得到完美！拿！呢D就係功力，出黎效果能在那個已經"基本穿牆過壁音場"(對大俠黎講，真係基本功)，完整地乜都出齊，懷疑我所講既人兄，請你做一次我睇😁，你做得出，我都叫你做大俠！(世上有好多大俠，唔係邊有得華山論劍！)😁😁😁😁😁😁😁😁😁
仲有一點極重要，真係80%玩家都做唔到，Violin Concerto支小提琴係中間偏左的，好多人都玩到去左中間人聲唱歌個定位度。而大俠套機，主音小提琴一出，正確到不能再挑剔！
跟住我都斗膽問下大俠，可否比隻大提琴我聽聽，大俠緊係無問題啦！
聲音起動了，發聲點都係中間偏左約肚腩位置，啱啱想問係咪又係Concerto黎架？中間偏右鋼琴開聲了，原來係二重奏！
心服！口服！播任何類型音樂都無難度！
大俠又講野喇：聽下結他，Keith Don't Go！
怡…咦！音量大聲左小小(不過其實都唔算大聲)，聽到Solo果段，點解有D唔通透又有小小開叉呢？
又大膽問下大俠：大俠，你上次試我對大YG,係咪因為嫌呢對有小小你唔滿意？(因為細個老師教，講野要望往人，咁先叫禮貌),點知頭一轉，嚇左一跳，原來大俠已經攞住個remote望住我笑！
大俠：衰仔，真係識聽野喎(我唔想借大俠既說話黎借D意抬高自己，但事實大俠真係咁講架！嘻嘻嘻……)，我故意較大幾格，黎試下你，哈，你又過關！調返細三格你再聽過啦！
細三格由頭黎過，喂！真係得喎，D野正常返曬！
我手機裝左個免費既(要比錢我就唔裝😂)App,
Sound Level Meter,靜靜開黎量下音壓先……，皇帝位都係最高時75db,真架，最高時都得75db就可以聽到曬前幾節我所講既音場，定位，穿牆過壁，低音層次，氣氛，氣勢……甚至極微細弱音及泛音等！
大俠擺位唔需要有懷疑，而家就玩到細音量乜都出齊，難得，難得！仲要每一種類型都音樂都有特定音量，厲害！厲害！
有人會懷疑，大俠套機係咪唔大聲得架？大俠都一定知有人會懷疑，一早放左隻自制CD係度，內容係…………女仕們，先生們！
春之際！！！
較大比頭先起碼多十幾格，正常發燒友爆機音量，細細聲起，突然又大大聲狂轟一倫，又再細細聲又大大聲，控制力超羣，勁大聲時又會聽到咳聲同揭普聲！睇下個Meter先，9×db，好大聲！但你唔會覺得炒耳，只會覺得大聲！大俠好野！！
～～～～～～～～～～～～～～～～～～
雖然未能講曬成三個鐘頭試過乜野歌，只講重點，如今次報告有令您失望或造成反感，小弟在此致歉！
多謝鄺大俠這次熱情招待！
大俠唔止玩音響超班，對我們這些後輩都極度體諒及愛護！
理由是，當小弟聽過大俠這套組合時，他所說的小弟在"大俠19cuts"過了16cuts！
但如果由我比分，相比大俠的組合，小弟應有16cuts"唔過關"！
再次多謝鄺大俠！！
圈友們，玩音響最緊要開心！
利申：鄺大俠的組合內沒任何一件小弟公司銷售的產品。😁
Search